Solicitude de reacondicionamento do cole azul, espazo adicado ao desenvolvemento das actividades extraescolares do CEIP Emilia Pardo Bazán, que consiste no cambio de xanelas e arranxo das persianas, velando pola seguridade de todo o alumnado que alí acude cada tarde e pola cativada que fai uso das instalacións nos campamentos de verán.

O actual pavillón polideportivo ten moitos desperfectos que impiden a práctica do deporte en condicións axeitadas. A súa mellora propiciará tamén o seu uso por parte das veciñas e dos veciños do barrio.

As actuacións consistirán na reparación do tellado, do chan e, en xeral, de todos os actuais desperfectos. É fundamental tamén estudar a posibilidade de pechalo por completo e, na medida do posible, executar vestiarios e un graderío.