- Tarxetas
- Lista
Reurbanización da Rúa do Orzán
23/09/2022 • • Distrito 1
A rúa do Orzán, pesares de ser peonil desde a Praza de Pontevedra ata a Rúa Alta non presenta un deseño acordé a súa condición. Dispón de beirarúas, pasos de peóns, e unha estrada para o tráfico. Precisa dunha reforma para acentuar o seu carácter peonil, a través dun empedrado uniforme e mobiliario urbano novo.
Reurbanización de Rúa Alta
23/09/2022 • • Distrito 1
Rúa Alta dispón de beirarrúas moi estreitas que non cumpren o mínimo legal, resultando perigoso para ir con carriños de bebés, cadeiras de rodas, e para calquera peón en xeral. Como vía que conecta San Andrés co Paseo Marítimo, poderíase reurbanizar copiando a estética de Rúa Nova para darlle continuidade, mellorando a súa estética e calidade urbanística.
Prantar árbores na rúa Socorro
23/09/2022 • • Distrito 1
Na Rúa Socorro sempre hai coches aparcados sobre a beirarúa nun tramo onde non hai bolardos porque sempre os arrincan. O único tramo de rúa carente de árbores, desde Rúa Alta ata a Rúa Cancela, é precisamente onde se produce o aparcamento ilegal. Propoño continuar co arborado ata a Rúa do Sol. Ademáis de impedir esta infracción, tamén se gañaría en calidade medioambiental e urbanística.
Rehabilitación dos bancos de cerámica dos Xardíns de Mendez Nuñez
15/09/2022 • • Distrito 1
Rehabilitación e recuperación dos bancos de cerámica danados polo botellón e o paso dos anos nos Xardíns de Mendez Nuñez, mediante a reintegración da cerámica e a pintura por persoal especializado.
Trátase dunha intervención patrimonial de moi baixo orzamento, que mellora sensiblemente o aspecto deste ben patrimonial.