Código proposta de investimento: 4421
Os Museos Científicos Coruñeses son unha das xoias culturais da cidade e reciben cada ano centos de miles de visitantes, mais o seu mantemento dista moito de ser óptimo. Un exemplo é a Casa das Ciencias, cuxa cúpula, que acolle o planetario, presenta evidentes problemas de humidades dende hai tempo na súa pantalla, como se aprecia na imaxe que achegamos. Esas humidades non son só unha cuestión estética, senón que alertan dun problema estrutural que hai que resolver canto antes para evitar males maiores. A Agrupación Astronómica Coruñesa Ío propón o illamento da cúpula e o arranxo das humidades da pantalla da Casa das Ciencias así como as melloras pertinentes para sacar o maior partido do anunciado cambio dos proxectores dixitais, co obxectivo de termos un planetario nas mellores condicións de calidade para toda a cidadanía coruñesa.
Localización: Casa das Ciencias, Parque de Santa Margarida, s/n
Proposta en nome de: Agrupación Astronómica Coruñesa Ío
A proposta foi valorada como técnicamente viable, orzamentándose en 300.000 euros.
O sistema de museos da Coruña cobra entrada e supoño que, ademais, terá ingresos do orzamento municipal. Suponse que os orzamentos participativos son para outra cousa....