Nota informativa sobre o reparto do orzamento 2023

Definidas as 15 propostas gañadoras por número de votos, o equipo técnico municipal valorou o emprego dos remanentes (120.000 euros) para a inclusión dunha proposta máis nos distritos 5 ou 10, por ser ambos os dous os que non acadaron o límite de orzamento asignado por distrito.

Seguindo o criterio de maior número de votos, debería incluirse a segunda proposta do distrito 5 mais votada, con maior número de votos ca segunda do distrito 10. Esta proposta está orzamentada en 150.000 euros e supera a cantidade do remante dispoñible. Polo tanto, é preciso pasar á seguinte do distrito 5, que conta así mesmo con máis votos ca segunda do distrito 10, e está valorada en 100.000 euros.

Inclúese, polo tanto, na relación de propostas gañadoras de 2023 o proxecto do distrito 5, valorado en 100.000 euros, que propón dotar de maior seguridade á rúa Estrada dos Fortes. O remanente de 20.000 euros adxudicarase tamén ao reforzo da execución desta proposta do distrito 5.