Volver

PASO DE PEÓNS AVENIDA ARTEIXO. LIMITE DISTRITO 10 E DISTRITO 4

Código proposta de investimento: 3087

Sendo coñecedores de diferentes peticións individuais e grupais feitas por veciñas e veciños da zoa de Vioño e Os Mallos; sendo conscientes da perigosidade á que nos enfrentamos cada día moitas persoas que cruzamos a Avenida de Arteixo de xeito incorrecto por unha senda "creada" polo uso; sendo observadores, ademais da disposición dun paso de peóns con anterioridade á pasarela peonil que se atopa á altura do IES Urbano Lugrís, presento a SOLICITUDE de estudo e investimento da colocación dun paso de peóns, regulado pola mesma frecuencia semafórica dos pasos existentes á altura da Cafetería Padock e do Centro Cívico dos Mallos, Á ALTURA DO NUMERO 90 da avenida de Arteixo nunha das marxes e do número 125 na marxe dos impares.

A urxencia e insistencia nesta petición ven motivada, mais que pola necesidade, pola propia seguridade de todos os veciños que usamos a senda. O seu uso está mais que demostrado pola propia anchura da senda, que cada vez é maior, pero acontecen, en ocasións, sucesos que poñen en perigo a seguridade viaria, tales como caídas, carreiras, sustos de conductores que ven cruzar por diante peóns, persoas esperando para cruzar no arcén, etc. 

Entendemos que, si a frecuencia do semáforo é a mesma que a dos existentes anterior (Padock) e posterior (Centro Cívico) aproveitando que os coches están parados, non debería influir na fluidez do tráfico.

Recordemos que entre os semáforos existentes hai casi 300 metros pero dase unha circunstancia a ter en conta. Na marxe correspondente a Vioño, non hai supermercados nin panaderías, por exemplo. Deste xeito, existe unha grande afluencia de veciñas e veciños de tódolos portais que pegamos co parque que acudimos aos Mallos a Eroski, peixería, carnicería, librería, hostelería, etc que se atopa xusto enfrente. Por este motivo, existe a senda na mediana da Avenida de Arteixo. 

A necesidade de accesibilidade, por tanto, non é un capricho, a acredita o uso constante e continuado que facemos desa zoa de paso que imos seguir usando diariamente, co risco que iso ocasiona.

Nas súas mans está solucionar esta situación que pode ocasionar accidentes indesexables.

Localización: AVENIDA ARTEIXO VIOÑO, A ALTURA DE ENCICLOPEDIA FRANCESA ENTRE OS NUMEROS 90 E 125 DA AVENIDA DE ARTEIXO

• Infraestruturas
• Mobilidade tráfico e transporte
• Seguridade cidadá
• Urbanismo

Informe de custo

Comunicámosche que a túa proposta foi declarada viable segundo o seguinte informe do equipo técnico municipal: Considerando a necesidade de garantir a seguridade dos peóns ao cruzar a Avda. de Arteixo, proponse a creación dun novo paso de peóns na mediana axardinada da Avda. de Arteixo á altura da rúa Revolución Francesa. Deste xeito complétase a actuación remodelando o actual paso de peóns da rúa Revolución Francesa con Avda. de Arteixo.