XARDÍN VERTICAL CANTEIRA DE DURMIDEIRAS
•
20/05/2017
•
Distrito 10
•
Código proposta de investimento: 606
De maneira natural, nas ladeiras da antiga canteira de durmideiras foise creando un xardín cunha grande biodiversidade.
Hai uns anos produciuse un desprendemento do terreo na zona, que conlevou que fose necesario realizar traballos de consolidación e sostemento do terreo.
Ao non levar aparellado estes traballos un tratamento medioambiental axeitado, estase a producir a proliferación neste entorno de especies invasoras, coma a cortaderia (herba da pampa)
Proponse mediante esta actuación a plantación de especies autóctonas a modo de xardín vertical que servan para manter e ampliar este espazo natural.
Localización: DURMIDEIRAS
Informe de inviabilidade
Comunicámosche que a túa proposta foi declarada INVIABLE segundo o seguinte informe do equipo técnico municipal: "A proposta permitiría a eliminación de exemplares de especies invasoras, principalmente Cortaderia Sellowiana e Carpobrotus Edullis, así como a creación dun xardín vertical. Non obstante, tras a avaliación técnica realizada, enténdese que a proposta non é viable debido a que a eliminación de vexetación podería dotar de inestabilidade á zona. Así mesmo, a zona ten problemas de accesibilidade para o desenvolvemento dos traballos e, polas súas características (é unha canteira de roca), ofrece poucas posibilidades para o desenvolvemento dun xardín vertical. Esta actuación precisaría un proxecto de enxeñería previo". Agradecemos a túa participación nos orzamentos participativos e esperamos poder contar coa túa colaboración na vindeira edición.
Como xa non chego a tempo para unha proposta nova ´e vai no mesmo sentido que esta, apoio e engado que poderían facer eso mesmo nos muros da praia do matadeiro, servindo así de viveiro das especies de litoral ta ameazadas, e convertindoo nun xardín vertical que melloraría as vistas.
Moi boa idea!...aproveitar desniveis e paredes verdes!