Demándase a reforma da vía e humanización de ambas vías, a estrada Santuario de Santa Xema e o final da rúa López Casanegra, en ambos sentidos dende a glorieta de Santa Xema. Na dita humanización debería contemplarse a renovación do asfaltado necesario neses tramos, dotación dunha mellora no mobiliario urbano e melloras orientadas a mobilidade peonil, así como outras medidas complementarias as mesmas que permitan a mellora do espacio público da zona. 

Demándase a inversión na instalación de paneis informativos nas paradas dos buses urbanos nas zonas de Palavea, Santa Xema e Ponte da Pasaxe (liñas 20, 22 e 1A) para facilitar a información sobre os horarios das paradas e os tempos de chegada (número de liña, destino e tempos de chegada) facilitando a visibilidade e a información para os usuarios que non empreguen aplicación móbiles.

Demándase a inversión na renovación e mellora da pavimentación e humanización das vías sitas en Palavea e zona do Laranxeiro cara a zona de Fontaíña incluindo esta. Atenderase a prioridade das que estén máis danadas cubrindo a maior área posible para a que se solicita a inversión.

Demándase a creación dunha zona de ocio e recreo (área de esparexemento) na contorna dos grupos de vivendas Santa Cristina (Palavea). A proposta é estudar un tipo de intervención branda que poida ser compatible co espazo dispoñible e con diferentes usos, permitindo uns bancos e área de descanso e algún espacio de ocio deportivo complementario (deportes urbanos, calistenia, etc.) como equipamento deportivo exterior.

Facer un carril peatonal na rúa Roma que una o colexio Andaina coa avenida Nueva York para poder chegar á parada de bus urbano de forma segura.